HPV -nin diaqnostikası və müalicəsi

-

HPV mövzusunu davam etdiririk.  Bu dəfə virusun diaqnostikası və müalicəsi barədə danışacam (#HPVhaqqında daha geniş məlumat öncəki paylaşımlarda). Öncə qeyd edim ki, HPV-nin təhrik etdiyi xərçəng növləri adətən böyümənin axır mərhələlərinə qədər özünü biruzə vermir. Ona görə də virusla mübarizəyə profilaktik tədbirlər şəklində başlamaq lazımdır.
İlkin profilaktik tədbir kimi virusun təhlükəli tiplərinə qarşı 10 yaşdan yuxarı qızlara Cervarix vaksini təyin edilir. Bundan əlavə, erkən yaşlardan hə oğlanlara, həm də qızlara cinsi tərbiyyə mövzusunda maarifləndirici işlər aparılmalıdır. 
Problemlə ikinci profilaktik mübarizə üsulu mütəmadi skrininqlərin həyata keçirilməsidir. HPV skrininqinin iki əsas üsulu vardır. Bu, Pap və HPV genotipləmə (DNA) testləridir. Cinsi həyata başlamış 25-69 yaşlı bütün qadınlar hər 2 ildən bir bu yoxlanışlardan keçməlidir. Pap test uşaqlıqda anomal toxumaların aşkarlanmasına yardım edir. Bu test uşaqlıq boynu xərçənginin və ya HPV ilə əlaqəli digər problemlər haqda xəbər verə bilir. HPV genotipləmə testi isə artıq virus təsdiqləndikdən sonra HPV-nin tipini müəyyən etmək üçün təyin edilir. 
Təəssüf ki, HPV virusunun tamamilə müalicəsi hələlik tibbə məlum deyil. Ola bilər ki, immunitet özü bu problemlə mübarizə aparsın və o, insan orqanizmində yatmış şəkildə illərlə yaşasın. Lakin ola bilər ki, əksinə, zəif immunitet virusu bədəndə müxtəlif ziyillər, törəmələr şəklində biruzə versin.
Virusun özünü tam müalicə etmək mümkün olmasa da, onun törətdiyi problemlərlə mübarizə aparmaq mümkündür. Məsələn, genital bölgələrdə artıq mövcud ziyillərlə mübarizə zamanı adətən müxtəlif dərman vasitələri, yandırılma (elektrokoaqulyasiya) və ya dondurulma (kriodestruksiya) üsullarından istifadə olunur. Qeyd edim ki, mümkündür ki, ziyillər bir müddət sonra yenidən yaransın. Lakin bu ziyilləri mütəmadi aradan qaldırmaq tövsiyə olunur. Çünki paralel müşahidə olunan vaginal infeksiyalar bu ziyillərin də artmasına və böyüməsinə, bunun isə arzuolunmaz xəstəliklərlə nəticələnməsinə gətirib çıxara bilər.
Ümumiyyətlə, mütəmadi yoxlanışdan keçmə xəstəliyi vaxtında aşkarlama və müdaxiləsinə yardımçı ola, sağalma şansını artıra bilər.
Unutmayın ki, sağlamlığınız sizin əlinizdədir.

 Dr. Rəxşəndə Aslanova
Tibb üzrə fəlsəfə doktoru

 https://rexshendeaslanova.az/

Yorumlar

Yorum Gönder

Bu blogdaki popüler yayınlar

Azərbaycanda ilk dəfə vaginizmin həllinə multidisiplinar yanaşma (HƏKİM RƏYİ)

-
Resim
Vaginizm son dövrlərdə ailədaxili münasibətlərin pozulmasında önəmli rola sahib xəstəliklərdən biridir. Bu haqda kifayət qədər maarifləndirmənin olmaması və problemin vaxtında aşkarlanıb həkimə müraciət edilməməsi ailələrdə boşanmaya qədər gətirib çıxara biləcək problemlərə səbəb olmaqdadır. Ümumiyyətlə, vaginizm necə bir xəstəlikdir? Xəstəliyin tam sağala bilmə ehtimalı varmı? Bununla bağlı hansı sahənin həkimlərinə müraciət edilməlidir? Bu xəstəliyin həllinə multidisiplinar yanaşma necədir? Bu suallara cavab tapmaq üçün Qaynarinfo.az saytı olaraq bir araşdırma həyata keçirdik.  Müsahiblərimiz Azərbaycanda ilk dəfə vaginizmi mültidisiplinar yanaşma ilə birlikdə müalicə edən  Uzman cərrah mama-ginekoloq, tibb üzrə fəlsəfə doktoru Rəxşəndə Aslanova  və  Uzman psixoloji konsultant, cinsi münasibətlər üzrə terapevt Phd(c) Maarif Məmmədov dur.  - Əvvəlcə mənə maraqlı gələn bu yanaşmanı Maarif bəyə soruşmaq istəyirəm. Niyə multidisiplinar yanaşma? - Son ...
Devamı

Vaginizm – həlli mümkündür!

-
Resim
Xüsusilə yeni evlənən cütlüklərinin həyatına ciddi şəkildə təsir edən vaginizm cəmiyyətimizdə kifayət qədər düzgün məlumatın olmadığ ı bir problemdir. Vaginizm evli olduğu halda cütlüklərin cinsi münasibətə girə bilmədiyi və nəticədə bir çox ailələrin dağılmasına səbəb olan narahatlıqdır. Bir çox cütlüklər yaşadıqları bu vəziyyətin nə olduğunu bilmədiyi üçün və ya bu problemin həlli barədə məlumatları olmadığı üçün çıxış yolu tapa bilmilər. Vaginizm cinsi münasibətə girmə qorxusu olaraq bilinir. Yəni qadın istəmədən vagina girişindəki əzələlər sıxılaraq cinsi münasibəti əngəlləyir və ya ağrılı cinsi münasibət olacağını zənn edərək münasibət yaşanılmır. İki tərəfin də rahat olmadığı bu münasibət şəkli dəfələrlə dəyişdirilməyə çalışılsa da (bir çox hallarda düzgün olmayan metodlarla dəyişdirilməyə çalışılır), nəticəsi olmur. Əslində ortaya çıxan vəziyyətin qısa xülasəsi belədir: vaginizm penis-vagina birləşməsinə qadın bədəninin və ruhunun rədd etmə reaksiyasıdır. Vaginizm qadın...
Devamı

Cinsi istəksizliyin müalicəsi.

-
Resim
İnsan başqa birinə bilərək ya da bilməyərək yönləndirdiyi cinsi həyəcan nəticəsində cinsi istək ortaya çıxır nəticədə onunla cinsi münasibət yaşamaq istəyir. Əgər hər hansısa problem yoxdursa cinsi həyəcan və cinsi istək eyni vaxtda olur. Tibbi bir əsası olmadan cinsi birləşməyə qarşı laqeydlik, cinsi fantaziyaların olmaması və ya az olması, cinsi münasibəti başlatmamaq və ya    partnyorun başlatmaq istəməsinə qarşılıq verməmək hər hansısa cinsi motivə qarşı cinsi istəyin az olması və ya olmaması cinsi istəksizlikdir. Bəzi insanlarda cinsi yetişkinlik dövründən istəksizlik yaşanılarkən, bəzilərində isə sonrdan ortaya çıxmışdır. Cinsi istək problemi əsasən cinsi istəkdə uyğunsuzluq, cinsi istəksizlik, cinsi diksinmə, hiperseksuallıq olaraq kateqoriya olunur. Cinsi istəksizlikdə cinsi birləşmə qabiliyyətinin olmasına baxmayaraq istək olmur. Cinsi istəksizlik müalicəsi zamanı pasiyentin yaşı və yaşam şərtləri diqqətlə incələnməlidir. Cinsi istəyi azaldan sosial, dini, psixol...
Devamı